देवदह नगरपालिकाको संक्षिप्त परिचय

प्राचिन कोलीय राज्यको राजधानी देवदह पश्चिमाञ्चलको रुपन्देही जिल्लामा पर्दछ । गौतम बुद्धको जन्मस्थल लुम्बिनी देखि ३५ किलोमिटर उत्तर पूर्वमा अवस्थित देवदह ऐतिहासिक एवं बुद्धको मावलीस्थलको रुपमा प्रशिद्ध रहेको छ । देवदह नगरपालिका नेपाल सरकारको २०७१ बैशाख २५ गतेको निर्णय अनुसार साविकका देवदह र केरवानी गा.वि.स. मिलेर बनेको हो ।

यस नगरपालिकामा २०६८ को जनगणना अनुसार ९५६७ घरधुरी र ४२९५३ जनसंख्या रहेको छ । यस नगरपालिकाको पूर्वमा सुनवल नगरपालिका पश्चिममा बुटवल उप महानगरपालिका उत्तरमा पाल्पा जिल्लाको गोठादी गा.बि.स., चुरे पहाड र दक्षिणमा सिक्टहन गा.बि.स. को बिचमा पर्यटकीय नगरी को रुपमा रहेको छ ।

कृषि तथा उद्योगको पर्याप्त सम्भावना रहेको, गौतम बुद्धको मावली गाँउ, प्राकृतिक श्रोत र साधनको उपलब्धता भएको , विभिन्न जातजातीहरुको सांस्कृतिक सम्पदाको भण्डार रहेको हुँदा धेरै सम्भावना भएको नगरको रुपमा रहेको छ ।